Patakaran sa privacy
Huling binago: Nobyembre 12, 2026
Ipinapaliwanag dito kung anong personal na impormasyon ang kinokolekta ng bakahan.com, bakit, at ano ang mga karapatan mo sa ilalim ng Data Privacy Act of 2012 (Republic Act 10173).
Ano ang kinokolekta namin
- Account: pangalan, email, password (naka-hash, hindi namin nakikita), rehiyon, papel (hal. raiser o trader), at mobile number kung ibibigay mo.
- Mga ipinost mo: listing sa palengke (kasama ang kontak na ibinigay mo), ulat ng presyo, at entry sa direktoryo.
- Mensahe: pangalan, email, phone at mensaheng ipinadala sa contact form.
- Waitlist: email at mga sagot sa form ng Farm App.
- Teknikal: IP address at impormasyon ng browser na kailangan para tumakbo at maprotektahan ang site.
Bakit namin ito ginagamit
- Para gumana ang account mo at ang mga feature ng site.
- Para maipakita sa ibang miyembro ang listing at kontak na pinili mong i-post. Ang kontak sa listing ay nakikita lang ng mga naka-log in na miyembro.
- Para sagutin ang mga mensahe mo at ipaalam sa iyo kapag handa na ang Farm App.
- Para pigilan ang spam, panloloko at pang-aabuso.
Ang mga ulat ng presyo ay ipinapakita nang walang pangalan. Hindi namin ibinebenta ang personal mong impormasyon.
Cookies
- bk_session: pinapanatili kang naka-log in. Kailangan ito.
- lang: naaalala ang napili mong wika.
- Cloudflare Turnstile: sinusuri kung tao ang nagpapadala ng form.
Kanino namin ibinabahagi
Sa mga serbisyong tumutulong sa pagpapatakbo ng site: Cloudflare (hosting, database, email at proteksyon laban sa bot) at Google Fonts (mga font ng site). Maaaring nasa labas ng Pilipinas ang mga server nila. Ibabahagi rin namin ang impormasyon kung hinihingi ng batas.
Gaano katagal namin itinatago
Habang aktibo ang account mo. Nawawala sa palengke ang listing pagkatapos ng 60 araw. Kapag binura ang account mo, binubura rin namin ang personal mong impormasyon, maliban sa kailangang itago ayon sa batas.
Ang mga karapatan mo
Sa ilalim ng Data Privacy Act, may karapatan kang malaman, ma-access, maitama, at mapabura ang personal mong impormasyon, at tumutol sa paggamit nito. Para gawin ito, mag-email sa inquiries@bakahan.com. Kung may reklamo ka, puwede kang lumapit sa National Privacy Commission (privacy.gov.ph).